المذيع زياد بن محمد

المذيع زياد بن محمد ، زياد بن محمد


صرت أكره كل عيد.

شاطر
avatar
فروحة

انثى
عدد الرسائل : 83
العمر : 30
السٌّمعَة : 0
نقاط : 0
تاريخ التسجيل : 24/10/2007

default صرت أكره كل عيد.

مُساهمة من طرف فروحة في الخميس أكتوبر 25, 2007 8:04 pm

مساء الخير
قصيدة أعجبتني فنقلتها لكمــ ،،
:

شي يخصك باقي عندي ..
" قلب " من غيرك وحيد !
ما يبي يبقى معاي !
يا أجيلك / أو يجيلك !
يسألوني الناس عنِّك !
وليه ما أكتب [ قصيد ] ؟!
قول ..
لا تسكت ..
تكلَّم ..
وش أجاوبهم دخيلك ؟!
إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !

ليه كل عيد إنتْفارق ؟!
صرت أكرَه كل عيد !
وإنتْ فارق .. في [ غلاتك ] ..
وقلبي ما عنده مثيلك !

المشاعر من غيابك يا دفا إحساسي , جليد !
طحت من عيني لـ قلبي وما قدرت إنِّي أشيلك !
يشهد الله .. من رحلت وفي حياتي ، لا جديد ..
وكل ما ألمَح سرابك ..
أرتِبِك ،
الله وكيلك !

حالتي صعبه / بدونك ..
وكيف حالك يا بعيد ؟
أشتكي منِّك إليك ..
ومن جروحي , أشتكيلك !
والله ما قصرَّت فيني بس ..
ودِّي لو تزيد !
يعني " إذبحني " وكمِّل يا بعد قلبي / جميلك !

أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!
أقتلك ..
لا من خطيت ويا عسى عمرك مديد !
و أعذرك ..
لو كنت قاتل لأنه يستاهل قتيلك .!

ويلي منِّك لو نسيتك والزعل طبعاً " شديد " ..
ولو أحس لحظه بـ أنِّك منشغل عنِّي ؟!
يا ويلك ..!

كل عاذل جاك بَعْدِي .. وقالـ لك إنِّي : سعيد
- ما صِدَق !
وين السعادهـ !
والحزن شيَّد رحيلك !

وكل عاذل قال عنِّي شي ..
- إحساسه بليد !
ما قدر ياخذ كثيرك ..
صار يطمح في قليلك !

وكل عاذل إن عطيته وجهـ ..
- ورَّااااك المزيد !
لو يقول إنَّهـ : يبيلك خير !!
والله ما يبيلك !

جيتهم طيِّب وأدري
في زماني ما يفيد !!
وش حصيل الطيب فيهم ؟
ومن فراقي , وش حصيلك !

بترك الدنيا عشانك !
دام هذا ما تريد ..
ويا عسى كلمة " عشانك " ..
تشفي يا روحي غليلك !!
الدليل إنِّي أحبك :
صرت أحسِّك بـ [ الوريد ] !
وأدري في قلبك يحبني دون ما أسمع دليلك !

في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..
مثل قلبك ما ألاقي ..!
ومثلي ما تلقى أكيد !
يعني ما عندك بديل ومستحيل ألقى بديلك ..!

يا غزالٍ شُوف قلبي
ما يبي غيرك يصيد
ولا بغيتك ..
أدري وينك
أسمعك , وأتبَع [ سليلك ] ..!
إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرةٍ ..
تضوي في ليلك !

ياللِّي شيَّعت المفارَق إشرَب وصالي و أزيد ..
خذ دفا إحساااسي و " إدفا " ..
كان بردك
هد حيلك ..!


يا أجيلك
يا تجيني !
هذا هو الحل الوحيد ..
وإنتَ قرِّر يا حبيبي ..
يا تجيني
يا أجيلك !
avatar
Admin

ذكر
عدد الرسائل : 646
العمر : 29
البلد : سلطنة عُمان
المزاج : كوووول
السٌّمعَة : 5
نقاط : 268
تاريخ التسجيل : 22/10/2007

default رد: صرت أكره كل عيد.

مُساهمة من طرف Admin في الجمعة أكتوبر 26, 2007 6:22 am

يسلمووووووووووووو يالغالية ع النقل تسلم يمينك


_________________
we have to be a white heart full of love





التواصل عبر :





BBM:273C59D9 / facebook / plus.google- plus.google2 / wordpress / blog/ About.me

avatar
Rock Princess

انثى
عدد الرسائل : 763
العمر : 26
البلد : omania
المزاج : حزينه
السٌّمعَة : 0
نقاط : 0
تاريخ التسجيل : 25/10/2007

default رد: صرت أكره كل عيد.

مُساهمة من طرف Rock Princess في الثلاثاء نوفمبر 27, 2007 2:35 am

تسلميييييييييين ع نقل
والخاطره الرائعه
avatar
جعلانية حيل

انثى
عدد الرسائل : 141
العمر : 29
السٌّمعَة : 0
نقاط : 0
تاريخ التسجيل : 20/11/2007

default رد: صرت أكره كل عيد.

مُساهمة من طرف جعلانية حيل في الثلاثاء نوفمبر 27, 2007 10:29 pm

يسلمووووووو ع النقل الرائع فرووووووووووووووووووحة

    الوقت/التاريخ الآن هو الخميس نوفمبر 23, 2017 1:27 pm