قصيدة أم في دار المسنين

هذي قصة ولد عاق
رمى امه في دار المسنين بعد ماسمع كلام زوجته

والام كتبت هالقصيده وماتت ولا حول ولا قوة الا بالله

والقصيده بتعلمكم القصه
تقول الام :

يامسندي قلبي على الدوم يطريك.ما غبت عن عيني وطيفك سمايا

هذي ثلاث سنين والعين تبجيك . ماشفت زولك زاير(ن) ياضنايا

تذكر حياتي يوم اشيلك واداريك. ولاعبك دايم وتمشي ورايا

ترجد على صوتي وحضني يدفيك. ماغيرك احدن ساكن(ن) في حشايا

كم مرتن اسهر بقربك واداريك. مااذوق طعم النوم صبحي ومسايا

ياما عطيتك من حناني وبعطيك. تكبر وتكبر بالامل يامنايا

لاكن خساره بعتني اليوم واشريك واخلصت للزوجه وانا لي شقايا

انا ادري انها قاسيه ماتخليك. قالت عجوزك ماابيها معايا

خليتني وسط المصحه وانا ارجيك ..هذا جزا المعروف وهذا جزايا

ياليتني خدامة (ن) بين اياديك.. عشان اشوفك كل يوم برضايا

مشكور ياوليدي وتشكر مساعيك. وادعيلك الله دايم (ن) بالهدايا

حمدان ياحمدان امك توصيك. اخاف ماتلحق تشوف الوصايا

اوصيت دكتور المصحات يعطيك . رسالتي وحروفها من بكايا

ان مت لاتبخل علي بدعاويك. اطلب لي الغفران وهذا رجايا

انطر تراب القبر بدموع عينيك . وماعاد ينفعك الندم والنعايا

وسلامتكم

وعني انا مااقول الا حسبنا الله ونعم الوكيل